Деналера гIулакхаш довзаш ба вай мехкара студенташ
07.04.2025 10:16
Херсонски областерча МЧС керттерча оагIон кулгалхочунца, Доврбиканаькъан Саварбикаца кхетаче хилар студентий Магасе. Из хоам «Сердалога» бир цу моттигера.
«ИнгГУ тIема дешара оагIон курсанташта дийцар деналца, майралца шоай декхараш дIахьош болча къаман къонгех. Доврбиканаькъан Саварбика кагирхошта бовзийтар мехка эггара чоалхане хьал латташ йолча моттигера нах кIалхарбоахаш, новкъостал деш къахьегаш бола вай мехкахой», - йоах хоамо.
Цул совгIа, чухьарча балха инарал-майор волча Саварбика курсанташта дийцар, ший вахаре нийсденнача тайп-тайпарча гIулакхех, кагирхой мел хиннача хаттарашта жоп делар.
