Вай студенташ дешаш ба дикагIа йолча инженерни ишколе
ГӀалгӀайчен паччахьалкхен университета 10 студент укх деношка дешаш ва Таганрогерча ГӀибухен федеральни университета радиотехнически чоалха Института дикагIа йолча инженерни ишколе. Цу тайпара таро кагирхой хилар, республикан керттерча вузо ЮФУца айхха бувзам лелабарах. Из ГӀалгӀайчен инженерно-технически гIулакхаш тоадара деш да.
«Цига бахийта лерхIараш харжара болх дӀабихьар. Хьалхара кӀира дӀадоладелар робототехника программа Ӏомаеш, саг чувоацаш лелараш еш, 3Д-моделаш еш. ХӀара студента лаьрхӀа инженерни ишколе ший балха моттиг кийчъяьй, дешара эшаш мел дар чу а лоацаш. Таханарча заман лабораторешка дӀахьош да дешар. Кагирхошца болх беш ба говзал лакха йола хьехархой», - яхаш, дийцар «Сердало» газетага паччахьалкхен университете.
ИнгГУ кулгалхой тешаш ба; вай студенташ къахьегама тӀера, начӀал долаш хиларах. Толам баккха безам болча кагирхошта лаьрхӀа моллагӀа йола дика таронаш вӀашагӀйохка хьож, дӀахо а уж лаьрхӀачунга кхоачаргболаш.
