XӀӀ-ча Москверча мехкахой спартакиаде, дакъа лоацаш хилар гӀалгӀай студенташ
11.07.2025 15:51
Москверча къамий-культуран цхьанкхетарий XӀӀ-ча спартакиаде, дакъа лоацаш хилар республикера студенташ. Из хоам «Сердалога» бир столицерча массазарча викала фусамера.
«Кхетаче лоархӀаме хилар кхетадеш, футболацара, волейболацара, кулгаш гӀортадарцара, Ӏадсаькх кхоссарцара, муш дӀа-юха увзабарцара шоай низи говзали гойташ хилар Москверча постпредствон ГӀалгӀайчен кагирхой совета спорта комитета доакъашхой.»
«Сокольники» яхача паркерча «Лидер» яхача спорткомплексе дӀайихьар яхьаш. Из беррига болх дӀатӀаийца дӀахьош хиннар Москвера къамий ЦӀа дар. Иштта гӀо деш хилар къамий политикахи, мехкашта юкъерча бувзамехи йола Департамент, физически культурахи спортахи йола къамий гӀулакхех йолча кхела комисси.
