Россе дӀахьош дола тохкама балхаш яздергда колледжий студенташа
16.09.2024 10:10
Укх бетта 16-ча денгара хьатӀабоагӀача бетта 8-ча денга кхаччалца ерригача Россе дӀахьош дола студентий кхетама хьал гойта тохкама балхаш яздергда вай мехкарча колледжашка дешачар. Из хоам «Сердалога» бир дешареи Ӏилмани гӀулакхех йолча министерствон болхлоша.
«Тохкама балхаш яздергда хьалхарча курсе деша багӀараша, иштта шоллагӀча, кхоалагӀча курсе керттера дешара программа чакхъяьккхараша», - дийцар тха газетага. Студентий дешара оагӀув тоабара тӀехьа дикка пайда беш хургба из болх. Министерствонна довзаргда, колледжашкара дешара хьал лакхача боараме хилийта юкъедоаладе дезараш.
