ГIалгIай мехкара МГСУ деша багIа студенташ новкъосташта шоай мехках дувцаш ба
Москверча паччахьалкхен гIишлошъяра балхех йолча университете гIалгIай, нохчий Iадаташта, культуран хетабаь гойтам дIабихьар. Кхетаче хетаяь яр къамаш цхьанкхетара Денна. Цу гIулакха хьалхаэттараша къахьийгар гIалгIай, нохчий къамий истори, Iадаташ, оамалаш дIайовзийташ.
«Кхетаче дакъа лоацаш вар Москверча ГIалгIайчен массазарча викалца политиках болча оагIон хьалха латта ЦIечой Шамал. Россе дахаш дола мехкаш мел йIаьхий культура йолаш да гойтар цига. ГIалгIай, нохчий къамий дувхар, вахаре лелаеш йола хIамаш яйзар хьаьшашта», - дийцар «Сердалога» массазарча викалий фусаме.
Вай мехкара 70 студент ва тахан МГСУ деша вагIараш. Университета вахаре белгала болаш хьабоагIа уж. Къамашта юкъера барт, бувзам, безам чIоагIбарах йолча тайп-тайпарча кхетаченашка дакъа лоацаш ба цига дешаш бола вай кагирхой.
