Наьсарерча студенташа «Иштта хиннад из» яха тӀемах бола гойтам кийчбир
Маьтсела бетта 9-гӀа Ди долаш, «Хьалхарчар болам» яхача Ӏарпенаькъан Ю. цӀерагӀча ГӏалгӀай политехнически колледжа хьинар дараша «Иштта хиннад из» яха театральни гойтам кийчбир. Из хоам «Сердало» газетага бир мехка цу даькъерча бувзамех волча болхлочо.
«Кагийча наха цу тайпара шоай граждански дог-уйла хьагойтар, иштта дийцар дошоча алапашца цӀераш дӀаязъяьча турпалхоех. Дагалоаттама, Сийлен Мемориала даькъ тӀа кердаяьхар тӀема ханашкара хӀамаш гойташ йола моттигаш, салтий массазара вахар. Шоай мел йола актёрий говзал юкъейоалаяь, дешархоша гойтар халкъа безам, салтий денал», - йоах хоамо.
«Баркал оал цу юкъе дакъа лоацаш мел хиннарашта, иштта тӀема истори цар лорадарах. Цу тайпара кхетаченаш дӀахьош хиларо кхувш йоагӀача вай тӀехьенна мехкацара безам совбоаккх. Коталон Денца!» - аьлар «Хьалхарчар болам» яхача ГӀалгӀайчен даькъа кулгалхочо Албохчанаькъан Маринас.
