Наьсарен политехнически колледжа студентий кхетаче хилар СВО бӀухочунца
Наьсарен политехнически колледжа студенташ таханарча заман Россе истори Ӏомадеш ба, Украине дӀахьоча лаьрххӀача операце бӀухой новкъосталца. Цу тайпарча дешархошцарча вӀашагӀкхетарех цаӀ дар тӀема операце бӀухочунца Дадашев Расулаца хиннар, яхаш, хоам бу «Сердало» газетага из кхетаче вӀашагӀъеллараша.
«Дадашев Расула дешархой уйла тӀаяхийтар, халкъо тӀема вошал леладеш деча новкъостала. Цун дешашка дар, таханарча а дӀаяхача а ханашкарча тӀемашка моастагӀчоа духьаллаьттача турпалхой сий деш хила безилга. Хӏанз латташ йола ха, Даьхен лорбой шу хилар ларде а лоацаш, цо ладувгӀаш хиннарашта хьалхадаьккхар, цӀаккха а диццадар советски халкъо Сийлахь-боккхача Даьймехка тӀем тӀа Котало яккхар. Тахан а вай мехкахой цаӀ санна латт моастагӀчоа духьала, Даьхе бахьан долаш», - аьлар хоамо.
Ший вахаре из нийсденна хиларах, бӀухочун ховш да, массайолча оагӀорахьара новкъосташта гӀо де дезаш хилар; иштта дика хов ший са наьха кортамукъале бахьан Ӏодилла кийча хилара мах мел лакха ба. Цудухьа цо тӀахьийхар студенташ Россе истори Ӏомадара.
