Студенташ болх шаьрбеш ба юртбоахама моттигашка
18.07.2025 10:40
ИнгГУ агроинженерни факультета студенташ Ӏомалуш ба ГӀалгӀайчен юртбоахама предприятей «Шолжен», «Йоккхача сомий беша» говзанчаш тӀа а хьожаш. Укхаза цар таро я юртбоахама культураш кхеяра керда оборудовани йовза, иштта болх вӀашагӀболла цу тайпарча предприятешка, из болх дӀабахьара йола таронаш йовза.
«Цул совгӀа, вай студенташ бахар «Нестеровское ОПХ, «Нектар» ООО, «Нестеровское» чкъаьрий боахаме, «Калой» яхача говрий спортивни ишколе.
Болх шаьрбеча хана хьаэцача говзало царна таро лу ховш дар къахьегамца дӀачӀоагӀде, цунца цар дӀахо болх бергболаш», - аьлар «Сердало» газетага ГӀалгӀайчен керттерча дешара моттиге.
