1992-ча шера гурахьа эттача хатарах дийцар Шолжа-Шахьарерча студенташа
Шолжа-Шахьарерча МЧС колледже кхетаче дIайихьар, 1992-ча шера гуйран бетта вай къаманна тIаэттача халонах. ХIирашта, гIалгIашта юкъе эттача боккхача бохамах дувцаш; докладаш, байташ, вийдеогойтамаш кийчдаьдар студенташа.
Колледжа кулгал деш вола Мархенаькъан Муса из деррига хIама 1992-ча шера ший бIаргашца дайна ва. Цо, массане дог тохадолийташ, ма дарра дийцар вахарах бохабаь шоай даьй лаьтташкара арабаьхача наха текхача Iазапах.
«Цу деношка вай къаманна тIаэттар цIаккха а дицлургдарех дац! Фусамех беха арабаьнначул тIехьагIа, боха ца бохаш, шоай хIама меттаоттаде хьожаш, дIахо къахьегаш, нийсхо оттае гIерташ, дIабахаб гIалгIай. Къаман Iадаташ лорадеш, сийрдача кхоаненга бодача новкъа хьинарца ураотташ ба тахан дукха хIама лайна, дайна гIалгIай», - аьлар Мархенаькъан Мусас.
