Шахьара хьал тоадара тӀехьа дакъа лоацаш хилар студенташ
23.04.2024 09:34
Шахьара куц тоадара тӀехьа дӀахьоча балха юкъе, дакъа лаца хьожаш ба Шолжа-Шахьарера студенташ. Из хоам «Сердалога» бир шахьара администраце.
«Вахара политиках болча оагӀон болхлоша кхетаче дӀайихьар; унахцӀенон хьалахи технологехи йолча Ставрополерча техникума студенташца. Шахьара куц тоадеш, болх дӀабахьар тахан эггара лоархӀамегӀа долча гӀулакхех да. Кагирхоша дикагӀа зув эргаяха еза моттигаш, малагӀа тайпа хувцам бича дикагӀа товргба», - йоах тхогарча хоамо.
Студенташа белгалдир, шахьара хьал тоадара тӀехьара болх бахархоша геттара хьаллоацаш ба, аьнна. Студенташа юкъедоаладе деза аьнна хувцамаш тохкаш, болх дӀахьоргба администраце.
