Бокъо йоацаш хьалъяь, ши гӏат дола гӏишло дӏаяккха оттайир судо
27.01.2026 10:38
Магӏалбик-Шахьара прокурора чубеннача лоткъамах, бокъо йоацача тайпара хьалъяь шин гӏатах латта гӏишло дӏаяккха оттайир судо. Из хоам «Сердалога» бир ӏаьдала болхлоша.
«Дӏабихьача тохкамо хьагойтар, мехкахочо из гӏишло цхьаккха тайпара бокъо йоацаш, ший лоӏаме хьалъяь йолга. Цул совгӏа, из лаьттан доазув а коммерчески гӏишлон лаьрхӏа дац», - дийцар тхога.
Гӏишло хьалъяьр из дӏаяккха оттаваьв судо. 30 ди далалехь, из болх чакхбаккха безаш ва из.
Магӏалбикерча судо из цхьаккха тайпара бокъо йолаш доацилга белгалдир. Прокуратуро тӏахьожам беш да из тахан.
