«4БРА» яхача хӏамаш тегача фабрикан болх дикка айлуш латт
Карарча хана хьалха хинначул ийсазза дукхагӏа болх беш я «4БРА» яха мехкара хӏамаш тега фабрика. 2021-ча шера 11, 6 млн сома тӏа лаьтта къахьегам 2024-ча шера 101 млн сома тӏа баьлар. Из хоам бу мехкадаь зарбан болх лелабераша. Дӏахойодача хана а, лакхача боараме къахьега, шоай хӏама тоаде лаьрхӏа ба фабриканна кулгалдераш, бакъда тахан лакха говзал йола болхлой эш цига. Масала, карарча хана технологаш, инженераш ба фабрике эшаш.
Мехкдаьтта-газа оагӏонцарча болхлошта лаьрхӏа барзкъаш тегаш боахк фабрике, Саратоверча компане дехар кхоачашдеш.
10 эзар кв. метрага кхоачаш доазув дӏалаьца йолча фабрике Россе арахийцараш санна, кхыча мехка хьадаь гӏирсаш а латт болх беш. Къахьегама низ лакха болча фабрико дийнахьа 1000-гара 1500-га кхоачаш хӏамаш арахец дийнахьа, хӏаьта шера арахецараш 80-90 тайп-тайпарча моттигашка эшаш дола барзкъаш.
«Тахан фабрике къахьегаш 100 совгӏа саг ва, бахархой аьттув ба цига шоашта болх лаха. Цу гӏулакха эшаш мел дар фабрике долаш да. Дӏахойодача хана, ишттача моттигий оагӏув хьаллоацаш, уж моттигаш дикка дӏашерйолийташ, экономикан хьал меттадоаладеш къахьега лерхӏ оаха», - белгалдир вай мехкадас Келаматанаькъан Махьмуд-ӏаьлас.
«4БРА» яхача фабрико, мехкарча промышленноста хьал айдарал совгӏа, ерригача СКФО гӏулакх тоадергдолга теркалдир мехка кулгалхочо.
