ГӀалгӀайчера дикагӀа бола боксёраш, Петербургерча яхьашка дакъа лоацаш хургба
ГӀалгӀайчен начӀал дола боксёраш дакъа лоацаш хургба «Никифоров-Денисов Николая Кубок» яккха дагахьа дӀахьоча боксах йолча Ерригроссийски яхьашка. ЛоархӀаме кхетаче дӀахьош яр Санкт-Петербурге, дӀадахача салоӀача деношка, яхаш, дийцар «Сердало» газетага ГӀалгӀай Республикан спорта Министерствон зарбан болх лелабераша.
«17-18 шу даьннача спортсменаша, федераце къаман боксёрий ассоциаце сий долча президента хетаяьча яхьашка, гойтаргда шоашта фу карагӀдоал. ГӀалгӀайчен вӀашагӀтехача тоабанна чубоагӀаш ба Янданаькъан Муслим (51кг), Малсаганаькъан Хьамзат (57 кг), Овшанаькъан Ӏаддал (54 кг), иштта Къоастой Хьамзат (57 кг).
ТӀоарска кулгахйоаллорга говзанчаш цу яхьашка дакъа лоацаш хургба лайчилла бетта 24-ча денга кхаччалца», - йоах хоамо.
Белгалду, массахана вай спортсменаш хьаллоацаш, царца къахьегаш ба Овшанаькъан Тимур, Малсаганаькъан Руслан.
