Россе яхьашка дакъа лоацаш хургва вай боксёр
26.03.2024 10:34
19-22 шерга кхаьчача боксёрашта юкъе дӀайихьача Москверча яхьашка, дото майдилг яьккхар вай мехкарча лакха начӀал долча боксёра Евкуранаькъан Темарлана. Цу коталоно аьттув белар цунна, Россе йоккхача яхьашка дакъа лаца. Из хоам «Сердало» газетага бир республикерча боксах йолча федераце.
«Боккха лоархӀам болаш хилар Темарлана цига даьккха дотув. ЦСК яхача клубагахьа волаш, 57 кийлах латтача дозалах ший низ дӀахьокхаш хилар боксёр.
Цунца латаш хиннар вар Москверча училище Ӏомавенна боксёр, цо дӀайихьар хьалхара моттиг а», - йоах тхогарча хоамо.
