«Мехкарча историко-географически «Дзурдзуки» яхача оагӀоно, «Илли» яхача проекте, хьакхеллай из ансамбль. Культуран гӀулакхах йолча паччахьа ганзо оагӀув хьаллоацаш, къаман культураца дувзаденнараш дийндеш, беш болх ба из.

Таханарча дийнахьа «OVLA» доакъашхой боккхача мехка дуккхача моттигашка шоаш дӀабовзийташ хьабоагӀа.

Республикерча паччахьалкхено, доккха баркал оалаш, даькъалабувц уж, дӀахойодача хана а сийрдача наькъ тӀа къахьега, вай мохк дӀабовзийта.