«Дунен бераш террора духьала да» яха чулоацам бола къамаьл хилар
Эккажкъонгий-Юртарча №3 йолча юкъерча ишколе «Дунен бераш террора духьала да» яхача темах дола къамаьл хилар. Из кхетаче вӏашагӏъеллараш бар Наьсарен кхален культура Цӏен болхлой. Из дӏахьош хилара маӏан дар берашта терроризмах бола кхерам бовзийтар, иштта чоалхане хьал нийсделча хьалхарча аргӏагӏа де дезар, гонахьарча наьха кхерамзле лораяра уж бехктокхаме хила безилга царна хьалхадаккхар.
«Къамаьл дӏахьош, культуран Цӏен болхлоша дешархошца къоастадир «терроризм» яхача деша маӏан, терроризма кхерама хьалаш, дегабуам бе беза тешаме йоаца моттигаш малагӏаш я, цу хьалашка нийсбелча де дезар фуд. Лоархӏаме да сиха гӏулакх дерашка хоам бар, царца бувзам хилара хаттараш довзар», - аьлар «Сердало» газетага из кхетаче вӏашагӏъеллараша.
Терроризма профилактика яр - из бокъонаш йовзаш хилар хинна ӏац, из да граждански оагӏув хьаллацар, вонна духьалъотташ хилар, шоайла новкъостал дар, тайп-тайпара культураш лоархӏаш хилар, низ тӏабахьаш дола хьал юхатохар.
