Россе чемпионате дакъа лоацаш ба вай теннисисташ
16.04.2024 09:50
Чайковский яхача шахьар тIа дIахьоча, «БIаргса эшаденнача наьха спорт» яхача Россе чемпионате дакъа лоацаш хургба вай мехкара лакха говзал йола теннисисташ. Из хоам «Сердалога» бу физически культурахи, спортахи йолча министерствера.
«Укх бетта 16-ча дийнахьа Пермерча моттигашка дIахьоча кхетаче дакъа лаца аьттув баьлар Ганенаькъан Аласхана, Пхьилекъонгий Хьусена. Царца цига баха ба «БIаргса эшаденнарий спорта федераци» яхача оагIон кулгал деш вола Дугенаькъан Мовсар, цун гIонча Саганаькъан Халид», - йоах тхогарча хоамо.
Укх бетта 22-ча дийнахьа, хьакхайкадергда цох хьахиннараш.
