ТӀой-Юртарча ТК, 2027 шерга кхоачаш, баьцакомарий фу дукхагӀа лургда
«Кантышевский» оала теплични комплексо майра хьакхайкадаьд, баьцакомараш кхеяра даькъ тӀа цар фу тӀехьа тӀадоагӀача кхаь шера совдаккха лаьрхӀа хилар. 2007 шерга кхоачаш къахьегамхой лаьрхӀа ба из продукци арахецар 540 эзарнега кхачийта, из цу боахама керттера болх бац. Таханарча денга кхоачаш, «Кантышевский» оалача теплицо гулъю 20 тонн баьцакомараш, голландски тайпах йола комараш кхееш, из экологен а дикала а оагӀонашца нийслуш я.
Баьцакомараш дӀаера дола фу Россе ерригача моттигашка лоаттаду, кхы а Белоруссеца яь чӀоагӀо я. Иштта барт беш латт ГуржегӀа из лоаттадара. Цо таро лургья мах бара йола керда оагӀонаш хьаелла.
«Белгалдаккха безам ба кхыча юртбоахама моттигашка, Россе Президента Путин Владимира, къаман хьалхашка латта декхараш кхоачашдарах болча Соцам тӀа «Экономика чӀоагӀа а дегӀайоагӀаш а хилара» яхача Соцам тӀа, тӀадиллад 2030 шерга кхоачаш юртбоахама продукци 25% кӀезигагӀа йоацаш лакхъяр, 2021 шера хинначул»,- аьлар ГӀалгӀайчен Кулгалхочо Келаматанаькъан Махьмуд-Ӏаьлас, из дош ше бувзама оагӀонашка дувцаш.
Цо тӀатехар, еррига юртбоахама моттигаш, из декхар кхоачашдаь а ца Ӏеш, тӀехкхоачашдеш хила еза.
