Кастлуш, МагӀалбике хьаелларгья вахара хьашташ кхоачашду кхозза вӀаштӀара яь моттиг
Кастлуш, хьаелларгья МагӀалбик-Шахьара шоллагӀча микрорайоне боккхийча наьха, пенсионерий вахара хьашташ кхоачашду Центр, яхаш, хоам бу «Сердало» газетага цигарча администраце.
«Цу даькъ тӀара деррига балхаш йистедаьхад, мебель дӀаоттаеш, гонахьара доазув тоадеш дола балхаш дӀа хӀанз дӀахьош», - йоах хоамо.
ЛоархӀаме гӀишло хьалъяьй 0,3 гектар долча лаьттан тӀа, из я 1590 квадратни метр, из лаьрхӀа я 50 сага. «ДегӀаахар» яхача къаман проекта чудоагӀаш дола балхаш даьраш ба «Кит-Строй» оалача ООО гӀишлонхой.
Белгалду, ГӀалгӀай мехко массайолча хана новкъостал лоаттадергда цхьаь бахача боккхийча наха цар гаргарчар лоалахоша, иштта наьха хьал теркал деш йолча Ӏаьдала моттигаша.
Шоай аргӀагӀа вахара хьашташка хьожаш йолча моттигаша а лаьрххӀа дола новкъостал дергда царна.
