«Даьймехка Кубке» вай мохк бовзийташ хургва СВО кхо бӀухо
«Даьхен Кубок» яхача кулгаш гӀортадарах йолча ерригача Россе яхьашка вай мохк дахьокхаш хургва СВО кхо бӀухо. Из хоам «Сердалога» бир «Даьхен лорбой» яхача ганза моттигерча филиала болхло йолча Джанхотанаькъан Мадинас. Мехка гулъяьча тоабанна юкъебахар Наурузанаькъан Ӏаьла, Албохчанаькъан Джабраил, Батырар Мухьмад. Спортсменашта кийчо еш гӀо деш вола тренер Тиймарзанаькъан ИбрахӀим ва, иштта армрестлингах йолча федераце президент Котанаькъан Хьусен.
ХьатӀабоагӀача бетта 4-ча, 7-ча деношка Гатчина яхача Ленинградски областерча шахьар тӀа дӀахьоча яхьашка шоай низ гойташ хургба мехка тайп-тайпарча миӀингашкара СВО доакъашхой»,- йоах тхога бенача хоамо. Цу кхетачен керттера декхар- маьршача вахаре шоай цхьа моттиг хьалаьца дӀабаха, спортаца бувзам лелабе тӀема операцен доакъашхошта гӀо дар. Россе армрестлинга Федерацегара майдилгаш, кубкаш, дипломаш тергда тоабашта.
