ГӀалгӀайчен кхо спортсмен дакъа лоацаш хургва, тхэквондох Европан хьалхале йоаккхача
ГӀалгӀай Республикера кхо спортсмен дакъа лоацаш хургва, тхэквондох дӀахьош йолча Европан хьалхале яккхара яхьашка. Спортсменаша, дукха сатийса хинна путевкаш кхаьчар хьалхара моттигаш яхарах, 12-14 шу даьннача йиӀигашта, кӀаьнкашта юкъе дӀахьоча ВТФ тхэквондох Россе Хьалхлене баха, (Дерригача дунен тхэквондо федераци), яхаш, дийцар «Сердало» газетага ГӀалгӀай Республикан спорта Министерствон зарбан болх лелабераша.
«Люберцы-Шахьаре 800 доакъашхо ва, царех мехка 60 моттиге шоаш дикагӀчарех хинна бокъо яьккхараш. Цу тайпара МутаӀаланаькъан Ӏаддал-Малика, Овшанаькъан Мухьмад-Амина дото моттигаш яьхар. Цхьаькха гӀалгӀайчен тхэквондо ишколе кхеваьча Хидиранаькъан Або-Бакара кхоалагӀа моттиг яьккхар», - аьлар хоамо.
Белгалду, кагий нах Ӏомалуш ба Къамурзой Ахьмада, Цисканаькъан ИбрахӀима, Къамурзой Илеза, Меданаькъан Ахьмада, Къамурзой АбдаллахӀ-Усама, Гаьгенаькъан Мухьмада, Къамурзой Хьамзас, Хамхой Хьусена, Къамурзой Або-Бакара кулгал а деш.
