Республикерча студентий-лорий толам
Новосибирскерча лорий паччахьалкхен университете дӀайихьача анатомех йолча къамашта юкъерча студентий олимпиаде котало яьккхар вай паччахьалкхен университета лорий факультете дешаш болча студенташа.
Университета зарбан болх лелабераша теркалдечох, Коталон 80 шу дизара хетаяьча яхьашка дакъа лоацаш хиннараш пхе мехкара 24 тоаба яр - Россера, Белоруссера, Узбекистанера, Казахстанера, Киргизера. Анатомех бола шоай кхетам гойташ, чоалхане болх кхоачашбе безаш бар кагирхой.
«Кхетам лакха хиларал совгӀа; кадай, сиха хьовзара говзал эшар цига. ИнгГУ «Дарба» яхача тоабо хьалхара моттиг яьккхар 23 тоаба тӀехьаюташ. Массехк бетта кийчо еш къахьегарах, Дала баьккха аьттув бар из», - белгалдир университете.
Котбаьннараш: Ӏалбаканаькъан Сулейман, Гезгенаькъан Амин, Коазой Мухьмад-Башир, Муйез Амина, Олиганаькъан Бэла.
