Ставрополера, Стамбулера, ГӀабартой-Балкхарой мехкара баьхка туристаш баха хилар ГӀалгӀай паччахьалкхен Малсаганаькъан Тухана цӀерагӀча мехктохкама музее, цигара раьза болаш арабаьлар.

Залашка гӀолла экскурси йир. «Даьхен дукхача оагӀоний бесаш» яхача даькъ тӀа царна гуш хилар, ГӀалгӀайчен суртанчий балхаш, «Шоана сийле, яхь» яхача оагӀоно дийцар тайп-тайпарча шерашка ГӀалгӀайчен бӀухошта карагӀдаьннарех. Уж чӀоагӀа хоза хийтар туристашта. Бакъда эггара чӀоагӀагӀа цар терко тӀаяхийтар археологе зал яр, цига гойта оттаяьй археологе балхаш деш кораяь хӀамаш.

«Археологе зала экскурсовода Пхьиленаькъан Дале дийцар хьаьшашта гӀалгӀай Ӏадатий оагӀонех, даарех.

Баркинхой тайпан йола цӀен кхуврча зӀы массайолча ханашка иллай цӀер тӀа. Из беза гӀирс лоархӀаш хиннаб, ноахалгара ноахалга а кхоачаш лелабеш бола. Цун юхе цӀий Ӏомохкаде йиш хиннаяц, во дешаш ала, кхыметтел пхьа леха а могадеш хиннадац.

Нагахьа санна моастагӀа цу зӀанарах дӀахьокхалуш хилча, цох хьаьша хулаш хиннав; наьха цӀер тӀара зӀы цо мархӀайолле, из ше кӀалхарвоаккхаргвар е вошал шийца дергдар лохаш волга хиннад», - аьлар «Сердалога мехктохкама музее.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде