«Туркий-месхетинцаш лаьттанца къахьега Ӏема ба. ДукхагӀча даькъе цар ду юртбоахама балхаш, шоай кулгашца хьалкхеду цӀена даар, цул тӀехьагӀа базар тӀа из дохк, наха хетташ, дика маьхалдоалаш а да. Таро йоацарашта, шоай кулгашца хьалкхедаь цӀена даар делар цар, МагӀалбика бахархошта сомех дизза дола тӀормеш, лакхара дикал йола баьцадаараш дӀадийкъар. Цар иштта дӀадихьар шоай къаман доккхагӀа долча ноахалах, Сталина къизал лайнарех дола дагалоаттама ди», - аьлар «Сердало» газетага МагӀалбик-Шахьара администраце. Гуржий ССР баьха туркий-месхитинцаш 1944 шера лайчилла бетта 14 -ча дийнахьа мехкахбаьхар. Цу къаман балан ди да из. Тахан а тIехьа Месхетерча туркий шоай хьамсарча мехка баха таро яц.