Байтанча хиннача ТӀумхой Хьавай кхоллама сайре хилар Магасе
16.05.2025 11:53
Магасе дӀайихьар байтанча хиннача ТӀумхой Хьавай кхоллам бовзийташ йола сайре. «Сердалога» из хоам бир цу моттигера.
«Театра, кинон гӀулакхех йолча моттиго, шахьарерча культураца дувзаденнараш доаржадеш болча оагӀоно хьаллоацаш, дӀайихьар из кхетаче. ТӀумхой Хьавай кхолламах шоашта хетар оалаш къамаьл дир гулбеннача хьаьшаша. Къаман артистка йолча Охценаькъан Розас, цӀихеза артистка йолча Налганаькъан Лемас иллеш оалаш дӀайихьар из сайре», - дийцар тха газетага.
«ТӀумхой Хьавай кхоллама сайре дӀахьоча гулбеннабар цун байтий кӀоаргал, хозал йовзараш, лоархӀараш. ХӀаране хоза дош аьлар тахан вайца йоацача байтанчах», - дийцар тхога ЦТКиКИ продюсер волча ГетагӀазанаькъан Илеза.
