СКФО яхьашка толам баьккхар, вай мехкарча тхэквондиста Къамурзой ӏийсас
15.01.2026 09:30
Тхэквондох йолча СКФО яхьашка дикка белгалваьлар вай мехкахо Къамурзой ӏийса. Из хоам «Сердалога» бера вай мехкарча спорта оагӏонцарча министерствера.
«Лакха говзал йола спортсмен ӏийса, шоллагӏча лагӏа тӏа ваьлар цу дийнахьа. Нальчике дӏайихьача яхьашка 78 кг дозал дарашта юкъе ше дӏагойтар цо. Тахан доккха баркал ала дезаш да из ӏомавеш лаьттача тренера Къамурзой ӏабдуллахь-Усамайна», - йоах тхога бенача хоамо.
Гӏаьбартой-Балкхарой мехка дӏахьош хиннача яхьашка гулвелар 15-17 шерашка кхаьча 150 совгӏа спортсмен.
