Рязанерча яхьашка котало яьккхар вай тхэквондисташа
08.05.2024 09:34
«Рязански Кремля Кубок» яхача яхьашка котало яьккхар вай мехкарча тхэквондисташа. Из хоам «Сердалога» бир спорта гӀулакхех йолча министерствос.
«Укх бетта 3-ча денгара 6-ча денга кхаччалца, лаьттача яхьаша гулвир РФ 40 моттигера 1200 тхэквондист. Вай спортсменаш кийчбаьбар Къамурзой Ахьмада, Эсенаькъан Мусас, Поаланкой Хьусена, Къамурзой Ӏаддалах-Усама.
40 кг дозал дарашца латаш хиннача Налганаькъан Мухьмада кхаьчар дошув, шоллагӀча лагӀа тӀа ваьлар 53 кг дозал хинна Къамурзой Ӏийса», - йоах тхогарча хоамо.
