Россе езача атлетиках йолча чемпионате, котало яьккхар Пхьилекъонгий Iалихана
24.04.2025 09:31
Вай спорте хоза хоам бера.Московски областерча Старая Купавна яхача шахьарера. Езача атлетиках йолча яхьашка котало йоахаш, вай мехкахо Пхьилекъонгий Iалихан хьавоагIа массехк шу да. Укх наькъа а дикка белгалваьлар вай мехкахо.
«50 моттигера 400 совгIа спортсмен вар диъ дийнахьа яхьашка шоай низ гойташ хиннараш. 67 кг дозал долча М-70 тоабан юкъе , 30-ча турнира толашагIа вола спортсмен ва, аьнна, хьакхайкавир из.
Из хоам «Сердалога» бир цу оагIонцарча министерствос. Физически культурахи спортахи йолча министерствос котало яккхарца даькъалавувц вай мехкахо. Аьттув болаш, иразе, беркате хилда цун вахар!
