ГӀалгӀайчера спортсмен езача атлетиках котваьлар Калининграде
26.05.2025 14:27
ГӀалгӀайчера штангист Йовлой Анзор котваьлар, Ерригроссийски езача атлетиках дӀайихьача «Янтарни штанга» яхача яхьашка, яхаш, дийцар «Сердало» газетага ГӀалгӀай Республикан спорта Министерствон зарбан болх лелабеча ГӀаппархой Аишас.
«Вай мехкахо «Ади-Ахьмад» спортивни клубо вахийтавар цига, цо хьалххе а кийчо яьяр, Галай Мурада кулгал деш. Россе 15 моттигера венача 180 штангиста юкъе Йовлой Анзор чемпион хилар 81 кг дозал долаш, шозза гӀертача 233 кг хьалъаййир цо», - аьлар хоамо.
Тхоца къамаьл даьчо яхачох, цу яхьо цунна керда аьттув белар, дӀахо а халкъашта юкъерча яхье лакха толамаш даха.
