ГӏалгӀайчен штангист СКФО Хьалхален чемпион ва
Къилбаседа Кавказа федеральни даькъ тӀа, 17 шу даьннача кагирхошта юкъе дӀайихьача езача атлетиках Хьалхале яккхара яхьашка Йовлой Анзор дикагӀа вола доакъашхо ва, яхаш, дийцар «Сердало» газетага ГӏалгӀайчен спорта Министерстве.
Тхоца къамаьл даьчо яхачох, 70 совгӀа штангист таро йолаш вар шоай профессиональни говзал гойта, РСФСРа езача атлетикан чемпиона Гамидов Бейбулата сийна Махачкале дӀахьош хиннача къовсаме.
НачӀал долча «Ади Ахьмад» спортивни клуба викало хьалхале яьккхар 81 кг дозал дарашта юкъе. Шин даькъах цхьана лаьрхӀача, вай мехкахочо 230 кг хьалъаййир - меттагӀъяккхар 105 кг, дӀататтар - 125 кг.
Из толам баккхарах, вай мехкахочун таро я Иркутске, ардара бетта 3-ча денгара 13-ча денга кхаччалца, дӀахьош йолча Россе Хьалхалене дакъа лаца.
Белгалду, из кийчо еш хилар, хьехамча волча Галай Мурада кулгал деш.
