Вай штангисташ Ерригроссийски яхьашка котбаьлар
16.05.2024 09:49
ГӀалгӀайчен езача атлетиках болча спортсменаша Москве дӀахьош хиннача Ерригроссийски яхьашка хьалхара моттигаш яьхар, яхаш, дийцар «Сердало» газетага ГӀалгӀай Республикан зарбан болх лелабераша.
«ГӀалгӀайчен коталоний мугӀара цхьаькха а толам тӀакхийтар. Укх деношка Москве вахача шин спортсмена, вай республикан вӀашагӀъеллача команданна чувоагӀаш, Ерригача Россера венача 100 спортсменаца къовсам дӀабихьар хьалхара моттиг яккха дагахьа.
160 кг, 200 кг дозал хьалъайдеш, дӀахьош хиннача яхье; Пхьилекъонгий-Юртарча «Динамо» яхача спортивни клуба спортсмена Пхьиленаькъан Азраила цу яхье хьалхара моттиг яьккхар. Йовлой Анзор «Аде Ахьмад» СК викал вар, цо яьккхар 13-17 шу даьннарашта юкъе дото майдилг», - йоах хоамо.
