ГIалгIайчен ТЮЗо ший хьажархой гIадкхувл
05.02.2025 16:22
Республикан берий театро дIахо а гIадкхувл зIамига хьажархой, царна шоай балхаш гойташ.
Театра зале даьхка хилар Долакха-Юртарча №2 йолча ишкола-берий беша, иштта ТIой-Юртарча №3 йолча юкъерча ишкола дешархой. Уж хьежар «Маугли» яхача спектаклага.
«ЛоархIаме да берашта хьалхадаккхар, доттагIа малагIа ва, новкъост малагIа ва, хIаьта моастагIа малав. Из да спектакло хьагойтар а. Из кхетадеш, бераша доккха вахар а дIадоладу», - аьлар берий театра керттерча режиссёра, «Маугли» яха спектакль оттаяьча Хазанаькъан Лейлас.
Тахан 12 сахьат даьлча «Мауглега» хьажа йиш йолаш ба безам бараш. Пушкински картага гIолла хьажа таро я цунга.
