Хаттарий болх дӀахьош, ГӀалгӀайчен бахархоша шоашта дукхагӀа беза сом белгалбир. Эггара дукхагӀа безача сомах хилар Iаж — 21%, цунна тIехьа йоагIа банан — 12%, тӀаккха ананас — 8%. ВорхӀ процент бахархошта гранаташ дукха еза, иштта еза апельсинаш, мандаринаш, лимонаш. Цул совгӀа 6% гӀалгӀашта баьццара комсаш еза.

5% бахархоша эггара чам болаш мандаринаш я аьлар, персикаш — 4%. Иштта 3% хаттарашта юкъе дакъа лоацаш хиннараша киви а боалаш а хержар.

Цул совгӀа, 2% кхораш безараш а ба, цхьа процент манго, маракуйя. ХӀаьта дакъа лоацаш хиннача пхи процент бахархоша беррига сомаш а дукха беза аьлар.