Илдарха-ГӀалий тӀарча тикашта хьалхашка нувхашта лаьрхӀа яьшкаш оттаергья
05.08.2025 09:51
Шахьаре бизнес дӀахьош барашта тӀадиллад; шоаш болх беча моттигий наӀарга нувхашта лаьрхӀа яьшкаш оттае, аьнна. Из хоам «Сердалога» бир Илдарха-ГӀалий тӀарча администраце.
«Шахьара да волча Дидиганаькъан Ахьмада тӀадилла из гӀулакх кхоачашдеш, администрацера комисси тикашта хьалхашка нувхашта яьшкаш латтий хьежар», - йоах тхогарча хоамо.
Шахьара моттигашка цӀена, лостам болаш хилийта аьнна дӀахьош ба из болх. Йоккха юкъ ялалехь, шоаш хӀама йохкача моттигий наӀарашка яьшкаш хилийта, аьнна, хьалхадаьккхар массанена.
Базарашка, тикашка гӀолла го боахаш лелача наха тӀехьа дукха нувхаш юс, цудхьа нувхашта лаьрхӀа яьшкаш лоаттаяр лоархӀаме да.
