Илдарха-Гӏалий тӏарча берашта, ловза ши майда хьайийллар
25.11.2025 09:36
Илдарха-Гӏалий тӏа берашта ловза керда ши моттиг хьайийллар. Из хоам «Сердалога» бир мэре зарбан болх лелабераша.
«Джабагӏанаькъан цӏерах болча урам тӏа берашта ловза хьайийллача моттигашка, царна эшаш мел бола кхоачам ба: ловза гӏирсаш, гӏандаш, салаӏа моттигаш, иштта кхыдараш а. Асфальт билла, лампаш егӏа тоадаьд из доазув. Иштта Боранаькъан цӏерах болча урам тӏа а хилар цу оагӏонцара хувцамаш.
Бурчолгаш, го боахаш хехкараш, иштта кхыйола хӏамаш оттайир цига а», - йоах тхога бенача хоамо. Хьакимаша белгалдечох, бахархошта шоашта дагадеха хӏама да къаьстта уж моттигаш тоаяр. Республикерча, шахьара, бахархой ахчах чакхбаьккха ба из болх.
