Эккажкъонгий-Юртарча ишкола дешархой, газ хьаухаш хиларах, дешара тӀерабаьхар
Котельнешка хьожаш, Наьсарен- Шахьаре а Наьсарен кхале а гӀолла тӀахьожам лоаттабара отдела воккхагӀа волча инспектора Тӏонганаькъан Заьлмахас, газа хьадж хьакхетар бахьан долаш, 112 оалача номерах телефон техар, цул тӀехьагӀа сиха 400 бер а хьехархой а цигара арабаьхар, яхаш, дийцар газетага ГӏалгӀай Республике гӀолла йолча МЧСа зарбан болх лелабераша.
Цул тӀехьагӀа, ишкола даькъ тӀа цун бахьан лохаш комисси хьежача гучадаьлар, арахьара лаьттан кӀалхара газа турба тоаеш хилар. Арара хьачуений газа хьадж классашка, хетаргахьа дийлла латтача корех. Цул тӀехьагӀа, газови гӀулакха болхлошца цӀаькха а хьежар газ хьаухаш моттиг йий, тӀаккха комиссе йистебаьккхар ший болх.
Газ ца йоагӀилга шоашта дикка хоалуш хинначул тӀехьагӀа, хьехархой а бераш а юха шоай классашка чубахар, дӀахо занятеш дӀаяхьа дагахьа.
