«Турпалхочун никъ» яхача программан доакъашхо вола Къоастой Ваха Магасерча мэре болх ӏомабеш ва
«Турапала никъ» яха, лакха говзал йола болх боаггӏача боараме, бехктокхаме дӏахьоргбола къахьегамхой кийчбу моттигера программа я, вай мехка йоаржаяь. Цу программан доакъашхо вола Къоастой Ваха Магасерча мэре балхаца дувзаденнараш ӏомадеш, шаьрдеш ва. «Сердалога» из хоам цу моттигера бир.
«Тӏема операце доакъашхой ӏомабеш бола болх; шахьара истори, архитектураца дувзаденнараш кердадоахаш; дӏахьош ба. Цига ха йоаккхача юкъа гӏишлошъяра балхашца, лаьттан доазонашца дувзаденнараш шаьрдеш, иштта хӏара кӏира дӏакхухьача мэре кхетаченашка дакъа лоацаш хиннав Къоастой Ваха. Шахьарера моттигаш тоаярах йолча программага гӏолла, Магаса куц тоадергдола болх ӏомабеш ва из», - дийцар тха газетага.
«Таханарча дийнахьа цхьаццадараш ӏомадеш, довзаш шахьаре дӏабахьа безача балхацара ший кхетам дикка лакхбаьб ала йиш я Вахас. Дӏахо, шахьара боаггӏача боараме доал де ховргдолаш, дикка къахьега ловш вола болхло хинна дӏаоттаргва аьнна хет сона из. Аьттув болаш хилба цун дӏахо дӏахьош бола никъ!» - аьлар Тиймарзанаькъан Мусас.
