Спортацарча яхье белгалваьлар вай мехкара тӀема доакъашхо
![Спортацарча яхье белгалваьлар вай мехкара тӀема доакъашхо](http://serdalo.ru/storage/UV7juhPlSFxLz08uVEKj750EOmPhYJRKybOmxKzn.jpg)
Ставрополе дӀайихьача тӀема доакъашхоша дакъа лоацаш йолча яхьашка, котбаьннача вай мехкахошта цхьаькха, лакха говзал йола спортсмен ӀотӀакхийтар. ГӀалгӀай мехкарча тоабан юкъе, ЦӀечой Джамалейла белгалваьлар йоккхача яхьашка. Из хоам «Сердалога» бир «Даьхен Лорбой» яхача ганза моттигерча филиало.
«Пауэрлифтинге дото майдилг йоаккхаш, «Даьхен Лорбой Кубок» яхача яхьашка белгалваьлар ЦӀечой Джамалейла.
Дуккхача шерашка, лаьттара кулгашца хьалъийлуш, Ӏомалуш хиларах, тахан шоллагӀа моттиг яккха низ хилар тӀема операцен доакъашхочун.
БӀухочо ше дувцачох, из гӀулакх леладеш хиларо деррига дегӀ кадай, низа чӀоагӀденна лоаттаду.
ДегӀа дикка пайда беш спорт я из», - йоах тхога бенача хоамо.
Хьалха, «Сердало» газетага гӀолла, оаха хоам баьбар, истола тӀарча теннисах Хьоашаланаькъан Абукара дотув даьккхад аьнна.