Дешархошца кхетаче дӀайихьар тӀема операце доакъашхочо
02.10.2024 15:02
«Даьхен гӀулакха латт со» яха ерригача Россе болам хьаллоацаш, дешархошца кхетаче дӀайихьар тӀема операце доакъашхочо. Из хоам «Сердалога» бир «Даьхен лорбой» яхача ганза болхлоша.
«Ший дега хьамсара йолча ишкола дешархошца, дукха къамаьл деш, ха дӀайихьар Хазанаькъан ИбрахӀима. ЙоккхагӀча классашкарча дешархошта цо дийцар, лакха майрал, денал гойташ, Даьхе лораеш латтача къаман эздийча къонгех. Ший мехкацара безам, лерхӀам лакха хила безилга хайтар цо кхувш латтарашта», - йоах тхогарча хоамо.
Шолжа-Шахьарерча № 5 йолча ишкола кулгал деча Евкуранаькъан Зинаидас книжкаш денна, кхыча дешархошца иштта лоархӀаме къамаьл де юхахьийхар из.
