ТӀема доакъашхочунна гӀо дергда, лаьттан гӀулакха хьакъехьа
Лаьттан гӀулакхаца хало ловш волча тӀема доакъашхочунна, новкъостал дергда вай мехка. Из хоам «Сердало» газетага бир парламенто. «Къаман гуллама депутат йолча Далганаькъан Розата нах тӀаийбу ди дӀадихьар «ЦаӀ йола Росси» яхача парте къахьегача моттиге.
ТӀема доакъашхо вола Досхой Р.А. из йолча вена хилар, лаьттанца шийна гӀо дар дехаш. Карарча хана тӀема доакъашхо волаш, ший декхараш дизза кхоачашдеш хиларах грамота енна ва тӀема операцен ветеран. РФ Президента яьча чӀоагӀонца (06. 06. 2023 г. N174-РП) шийна лаьттан дакъа къоастадарца, гӀо де аьлар цо.
«Цун дехар хьатӀаийца, дӀахо цу гӀулакхага хьажа безарашка дӀадохьийтаргда оаха», - белгалдир Далганаькъан Розата. Белгалде деза, вай мехка дӀахьош, тӀема доакъашхошта эшачунга хьожаш, цар хьашташ теркалдеш, паччахьалкхен программа йолга.
