Селхан ГӀалгӀайчен цаӀ мара йоацача берий технопарка дешархой «Боккха тӀахьехам» яхача Ӏилман-технически проектанна чуйоагӀача Ерригроссе яхьа моттигерча къовсама призёраш хилар, яхаш, дувц «Сердало» газетага цигарча зарбан болх лелабераша.

«Чаккхе еш хинна декхар бераша кхоачашдир, «Олимп» яхача хьаькъал долча берий «Лицей-центра» ГАОУ даькъ тӀа. Хьалхара моттиг кхелахоша елар «Ше хий тохаш йола чоалх» яьча Пхьилекъонгий Дауда. Котваьннача кхаьннена юкъе ва Тебой Адам «Дрон – хьун хаьхо» яха болх барах.

Хьулахой Амира баь «ЧПУ йола фрезерни станок 5D» яха болх а терко йоацаш бисанзар, цу кӀаьнка лауреата совгӀат делар», - аьлар тхоца къамаьл даьчо.

Белгалду, яхьебаьннараша хьахаржа йиш йолаш бар «Кванториум» программанна чубоагӀаш хиннача 12 балхах цаӀ.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде