«Гаркх яхача гӀалай моттиге тохкама, каьхаташ оттадара болх дӀаболабир «АСМ Групп» яхача тоабо. Цу доазон тӀа латтараш 1 тӀема, 2 ах тӀема, 16 нах баьха гӀалаш я, 4 малхара каш да», - йоах тхогарча хоамо. Керттера декхар - гӀалгӀай гӀалаш ма хулла шоай хьалхагӀа хиннача куца тӀа йоалаяр.

ЧӀоагӀа боккха болх, дукха тохкамаш да из кхоачашдеш дӀадахьа дезараш. Массехк бӀаьшераш хьалха хинна вахар духьалъувттадеш, къахьегаш боахк болхлой. Тахан цар ма дарра кхетаду, мел чӀоагӀа къахьегаш, хьинар а кӀоарга хьаькъал а долаш хиннаб вай хьалхара дай.