Вай къаман селханарча истореца дувзаденнараш гучадоахаш, болх дӀакхухь лоаман моттигашка
![Вай къаман селханарча истореца дувзаденнараш гучадоахаш, болх дӀакхухь лоаман моттигашка](http://serdalo.ru/storage/yeigRWxzawnbZ16K69AO9Vm5MHqAd55wVQoX8oLv.jpg)
БӀарчча программа я цу гӀулакха вӀашагӀъелла. Из хоам «Сердалога» бир мехка кабмино.
«Бишт яхача моттига юхе уллаш йола Кязи яха гӀалаш ягӀа моттиг тохкаш хилар «АСМ Групп» къахьегамхой. Аьттув болаш чакхбаьлар из лоархӀаме болх. Шиъ тӀема гӀала, ворхӀ нах бахаш хиннараш, кхоъ малхара каш, 36 чурт гучадаьлар цига. Иштта, цхьацца гӀулакхашта эшаш хинна коара гӀишлош, гергача гӀишлоех йиса лараш яр цига», - йоах хоамо.
Ӏилманхошта, вай дерригача къаманна чӀоагӀа лоархӀаме да иштта моттигаш гучаялар, хӀана аьлча цар хьагойт тхьовра хьалха хинна вай даьй къаьнара вахар. Белгалде деза, из боккха болх «САФМАР», «Меттаоттадар» яхача гӀо деш йолча ганзаша хьаллоацаш дӀахьош болга.