«Кхетаче дӀахьош дукха хаттараш дир, уж кхоачашдеш кӀезига къахьийгадац УФАСа викалаша. Иштта СМИ викалаша дийцар Москве йий хьадеш йолча цхьан компане нийсденнача хьалах. Цу даькъ тӀа судага гӀолла из гӀулакх къоастадеш хилар белгалдир», - аьлар кепайоазоно.

Укх шера УФАСо ГӀалгӀай Республикан юртбоахама Министерствонна духьала гӀулакх хьадийллар, цига гучадаьннадар субсидии луча даькъ тӀара кхоачамбоацараш.

Иштта пхи гӀулакх хьадийллар сага доалахьарча хӀамаех йолча Министерствон духьала, таьрг йоацаш, мах бара даькъ тӀара болх дӀахьош лаьттан бокъонаш лораяьяц цига.

Организаце болхлоша белгалдир, ГӀалгӀайчен УФАСо аларах законопроект кийчъяьй, цо бокъо лургьяц тӀаьргага гӀолла мара паччахьалкхен доалахьардар дохка. Из каьхат ГӀалгӀай Республикан Парламенте дӀадахьийтад, дӀахо тохкаргдолаш.