Наьсарерча мэре Лаьттан кодексаца даь гӏалаташ гучадаьлар УФАСа болхлошта
Лаьттан доазон гӏулакха тӏаьрг дӏахьоча балха юкъе, Наьсарерча администраце кхоачамбоацараш нийсдалийта гучадаьлар мехкарча УФАСа болхлошта.
Из хоам «Сердалога» бир цигарча зарбан болх лелабераша. Цу балха юкъе хиннача вахархочо, дӏадихьача гӏулакха раьза воацаш баьча лоткъама тохкам бир.
Гучадаьлар, каьхаташкара денз аренда къоастаяьча ханага кхаччалца, цу юкъе массехк кхоачамбоацар диталга. Гӏалаташ юстардоахаш, боаггӏача боараме из хьаоттадеш болх дӏахьо, аьнна, тӏадиллар администрацена.
«Бокъоно дӏадеххача тайпара тоаде деза цар тӏаьрга каьхаташ, е лаьттанца дӏабихьа болх соцабе беза вӏалла ца хилча санна; хӏана аьлча, из лаьттан доазув дохка оттаде бокъо ярий-хьогӏ, аьнна, шеко я цу гӏулакхаца.
Цул совгӏа, бехке болча администраце болхлошта гӏод тохаргда», - белгалдир УФАСо.
