Гӏалгӏайчен УФАСо гучадаьккхар, хӏама нахалдаккхар харцахьа деш хилар
Федеральни антимонопольни гӏулакха тӏарча болхлоша гучадаьккхар цхьан балха моттиге ца доагӏача тайпара хӏама нахалдаьккха (реклама) хилар, цо наха эшаш бола хоам кхоачам боллаш баьбацар. Федеральни законах цу тайпара беш бола хоам нийса цахиларах гӏод доагӏа 100 эзар сомагара 500 эзар сомага кхаччалца, аьлар «Сердало» газетага УФАСа зарбан болх лелабераша.
Йоазув даьраша жоп лургда харцахьа даьчох: «Хьахаржа товар моллагӏча тика тӏа, тӏаккха эца из, ахча кӏезиг-кӏезига дӏатергдолаш». Цу йоазонга хьежача, наьха таро я Гӏалгӏай Республикан доазон тӏа санна, берригача мехка гӏолла а из товар цу тайпара эца.
Законо яхачох, хӏама нахалдоаккхаш болча наха хоадам боллаш ала дезар малагӏча моттиге наьха таро я шоашта эшаш дола товар эца, цунца цхьана шоай ха а, ахчан таронаш а ца йоаеш. Иштта хӏама нахалдаккхаро эцачунна цхьатарра аьттув хулийт мах беш болча берригача наха хьалхашка.
