МагӀалбикера Крупскаяй цӀерах болча урама хьал тоадир
18.08.2025 14:49
Кердача куца тӀа боалабаьча МагӀалбикерча Крупскаяй цӀерах болча урам тӀа, хӀанз паргӀатагӀа хургья. Из хоам «Сердалога» бир цигарча мэре.
«Цу урама хьал тоадарга бахархоша сатувса дукха ха яр; хӀаьта хӀанз, шахьара дас Галай Мусас тӀадилла, 200 метрага кхоачача урама доазон тӀа керда асфальт Ӏобиллар», - йоах тхога бенача хоамо.
Белгалде деза, иштта болх дӀабахьаро деша, балха ухарий, иштта берригача бахархой хьал паргӀатагӀа делга.
