Илдарха-ГӀалий тӀара Мира оала урам овлангара тоабе лерхӀ
06.05.2024 10:32
Илдарха-ГӀалий тӀара Мира оалаш бола урам тоабеш, балхаш дӀадоладаьд. Из хоам «Сердало» газетага бир шахьара администраце.
«Шахьара куц тоадара тӀехьа кхеллача федеральни программага гӀолла дӀахьош беркате болх ба из. 300 метрага кхоачаш бола урам тоабергба, асфальт билла, гӀашлой никъ тоабаь, лампаш ехка, гӀандаш дегӀа, нувхаш чутувса яьшкаш оттаяь.
Бахархой дог гӀоздаргдолча тайпара тоабаь дӀаоттабергба урам», - белгалдир шахьара мэре. Цул совгӀа, дукха ца говш, керда балхаш дӀадахьа лерхӀ ЦӀечой, Дьякова оалача урамаш тӀа.
