«Къаман гварде, ВДВ, лаьтта лелача, сигалара-космически низех йолча моттигашка декхараш токхаш болча эпсарашца кхетаче йир. Шоай гӀулакх дикка Ӏомадаь, довзаш ба царна юкъера дуккхабараш. ТӀема операцен юкъера баьхкабар цхьаццабараш.

Царна юкъе вар Россе Турпал, полковник Хьоашаланаькъан Султан. ЛоархӀамеча гӀулакхех дувцаш, цхьа дега тоам беш, дӀадахар из вӀашагӀкхетар. Доаккхалца ала йиш йолаш да, вай эпсараш шоай декхараш дикка кхоачашдеш, Даьхен сий лорадеш, къаман сий доаккхаш латт аьнна», - белгалдир Мехкадас, цар деналах дувцаш.

Грамоташ, майдилгаш, совгӀаташ делар яхь йолча къонгашта, доккха баркал аьлар, шоай никъ бахьа беззача тайпара дӀабахьарах. Иразе, беркате, могаш, маьрша болаш баха даькъалабийцар уж республикан Кулгалхочо.