Сага бокъонех волча викала хьаллаьцар, заӀапхо долча бера нана
ГӏалгӀайчен сага бокъонех волча Викалга дера, ше заӏапхо долча бера нана хиларах тарра, РФ законо йиллача ханал хьалха пенсе яха ха йолча кхалсагагара. Дӏадахача шера бӀаьсти цу кхалсага Россе Вахара ганза моттигерча даькъе, шийна пенси хьадоладара каьхаташ чуделар. Царна юкъе дар из лорал болх баь хилара каьхат а. Деррига каьхаташ кхоачам болаш дале а, из хьадоладара ха йӏаьхъярах дукха бетташ дӀаихар. СФР йоахар, дарбанче болх хиннача ханах, цхьа юкъ йоацаш я каьхаташта юкъе. Россе Вахара фондо, сага бокъонех волча Викала каьхаташта баьча тӀахьожама балхах гуш хилар, моттигерча СФР отделене из хаттар цкъа дийца Ӏийнадацилга, цу юкъа болх баь ха тохкаш. Бакъда жоп ханахьа хьаденадац, цудухьа пенси хьадоладе таро йоацаш лаьттад.
Из хаттар кхоачашдир, унахцӀенон урхаллено цо болх баь хилара чӀоагӀо еш дола каьхат хьадайтача. Из каьхат долаш хилара ларда тӀа, хьалха хьа ца луш лаьттача пенсега цIаькха хьежар», - аьлар «Сердало» газетага ГӏалгӀай Республикан УПЧ хоамий-аналитически даькъ тӀа.
Цун йиллача ханал хьалха пенсе яха бокъо йола ахча хьахьожадаьд 21 172 сом. Из ахча цу кхалсага, дехар чуденнача дийнахьа денз, деррига хьаделар карарча шера наджгоанцхой бетта.
